Mae ein pedwerydd penblwydd yn agosáu ac edrychwn ymlaen at fod yn Gwmni Corfforedig Elusengar (CCE). Hefyd, byddwn yn darparu cais i’r Loteri Genedlaethol i’n galluogi i ehangu ein ymdrechion i wneud y cronfeydd dŵr yn fwy hygyrch i amrediad ehangach o bobol gan adeiladu ar y rhaglen Welis yn y Coed oedd yn llwyddiannus y llynedd.

Fel arfer, buom yn gweithio gyda Dŵr Cymru tros y misoedd diwethaf i gyflwyno cyfleoedd i wirfoddoli, cario mlaen â’r brosiect Atgofion Digidol, teithiau cerdded tywysedig a’r blaengaredd Cuddfan Tywys.

Mae rhagor o wybodaeth am ein grŵp ar ein gwefan: friendsofcardiffreservoirs.org. Ymwelwch â lisvane-llanishen.com am wybodaeth am yr atyniadau ger y cronfeydd a sut i archebu’r gweithgareddau.

Cwmni Corfforedig Elusengar (CCE)

Wedi arddeliad y Cyfarfod Cyffredinol Blynyddol ym mis Gorffennaf y llynedd, cyflwynodd Pwyllgor y Cyfeillion ymgais i’r Comisiwn Elusennau i fod yn Gwmni Corfforedig Elusengar (CCE). Galluoga hyn inni ymgeisio am grantiau, hawlio Cymorth Rhodd, bancio rhatach etc. Golyga statws CCE y bydd yn rhaid cael cyfansoddiad newydd sy’n ymlynu â thempled safonol y Comisiwn Elusennau.

Yn lle Pwyllgor y Cyfeillion, bydd grŵp o Ymddiriedolwyr. Cytunodd pedwar o aelodau’r pwyllgor presennol i fod yn ymddiriedolwyr ar y cychwyn ond ar ôl  sefydlu’r CCE, bydd etholiadau i holl swyddi ymddiriedolwyr. Mae angen mwy o ymddiriedolwyr i’n helpu i gychwyn. Os oes diddordeb gennych yn hyn o beth, rhowch wybod i Fiona Liddell secretary@friendsofcardiffreservoirs.org

Cais i’r Loteri Genedlaethol

Bwriadwn gyflwyno cais i raglen ‘Pobol a Llefydd’ y Loteri Genedlaethol pan fydd trefniadau’r CCE wedi eu cwbwlhau. Bydd y cais yn ceisio cyllid i ddatblygu rhaglen i ehangu buddiannau y cronfeydd i gymunedau Caerdydd. Hefyd, bydd rhodd Grŵp Arwaith y Gronfa (GAG) yn cael ei defnyddio i gynnal y rhaglen.

Y Cyfeillion fydd yn arwain y cais a chawsom sawl ymgynghoriad dechreuol gyda phartneriaid posibl fel Dŵr Cymru ac Action in Caerau and Ely (ACE). Hoffem ehangu menter Welis yn y Coed pan oeddem cydweithio gyda Groundwork, Oasis a Chyngor Ffoaduriaid Cymru a byddem yn croesawu cymorth gan unrhyw aelodau a hoffai gyfrannu i’r fenter yma.

Atgofion Digidol

Pwrpas y brosiect hon yw cadw atgofion am y cronfeydd. Datblygir y brosiect mewn partneriaeth â Dŵr Cymru, Casgliad y Werin Cymru a Chymunedau Digidol Cymru. Erbyn hyn, mae’r deunydd gasglwyd gennym yn ystod ein diwrnod casglu cyntaf ym mis Tachwedd y llynedd, i’w weld ar wefan Casgliad y Werin Cymru (https:/www.peoplescollection.wales).

Cynhaliwyd achlysur casglu arall ym mis Mawrth eleni ac fe gasglwyd mwy o fewnwelediadau i hanes y cronfeydd yn y gymuned. Mae cyfleoedd i wirfoddoli gyda’r prosiect yma ac os hoffech wirfoddoli neu rannu eich atgofion, gyrrwch ebost os gwelwch yn dda i memories@friendsofcardiffreservoirs.org.  

Gwirfoddoli

Parhau mae’r gweithgareddau amrywiol gyda Dŵr Cymru i ymdopi â’r coetir ac mae cyfleoedd newydd yn cael eu datblygu hefyd.

Datblygwyd rôl Cuddfan Tywys i helpu ymwelwyr ddeall a gwerthfawrogi’r adar sydd ger y cronfeydd.

Roedd Teithiau Tywys, gyda gwirfoddolwr o Sight Life Wales, yn canolbwyntio ar yr amrywiaeth mawr o drydar yn y coetiroedd.

Bu gwirfoddolwyr yn gweithio fel llysgenhadon ar y safle, yn cribinio’r glaswellt, yn gosod camerau, yn clirio’r llwybrau a’r mieri, ac wedi cynorthwyo mewn nifer o weithgareddau eraill.

Cofnodwyd 4,700 o oriau gwirfoddoli er pan sefydlwyd grŵp y Cyfeillion yn 2021.

Bu grwpiau Ffocws gyda’r Coedwigwyr yn fuddiol er datblygu cyfleoedd newydd i wirfoddoli ac i hybu’r safle i ymwelwyr.

Gwahoddwyd Pwyllgor y Cyfeillion i drafod gwaith ein gwirfoddolwyr gyda Huw Irranca-Davies, Dirpwy Prif Weinidog Llywodraeth Cymru.

Rydym yn ddiolchgar i Dŵr Cymru am drefnu achlysuron ‘Diolch’ ym mis Ionawr eleni a hefyd yn ystod Wythnos Gwirfoddoli ym mis Mehefin.

Tanysgrifiadau

Mae tua 330 ar ein rhestr gohebu gan gynnwys bron i 200 ar y System Weinyddu Gwirfoddoli. Gresyn mai dim ond 77 o danysgrifiadau sydd wedi eu talu yn 2025 gan ganiatáu cyfranogi’n llawn o’r gweithgareddau. Byddem yn ddiolchgar petai aelodau yn archwilio bod eu haelodaeth wedi ei dalu. Mae lefel y tanysgrifiadau yr un fath â 2025.

Cymdeithasu

Parhau mae’r sesiynau rheolaidd ‘bwrw mewn’ yng nghaffi’r Ganolfan (10.00 – 1200 Sadwrn olaf y mis). Mae’r sesiynau yn gyfle i aelodau gymdeithasu ac i bobol ddarganfod mwy o wybodaeth am grŵp y Cyfeillion a’r cyfleoedd sydd ar gael i wirfoddoli.

Mae manylion sut i ymuno â’r Cyfeillion ar ein gwefan (Aelodaeth). Dim ond £5 yw’r gost (£10 i deulu).

Cadw mewn Cysylltiad

Ymgeisiwn i yrru ebost yn rheolaidd i’n haelodau ynglŷn â chyfleoedd i wirfoddoli a gellir eu gweld ar y system Rheoli Gwirfoddoli (Team Kinetic). Y ffordd orau i’w cyrraedd yw trwy fewngofnodi i’r system (Login Page  teamkinetic.co.uk).

Os ydych am gofrestru ar Team Kinetic am y tro cyntaf, gyrrwch ebost i membership@friendsofcardiffreservoirs.org os gwelwch yn dda. Os bydd anhawsterau gyda Team Kinetic, mae Richard, cynhaliwr ein TG yn barod iawn i helpu (ebost: ITsupport@friendsofcardiffreservoirs.org).

Ein cyfryngau cymdeithasol ar hyn o bryd yw: Instagram: fofcreservoirs; X(twitter) @FofCReservoirs; Gwefan: friendsofcardiffreservoirs.org